ПСЖ юлдузи Италияга боришдан бош тортди

ПСЖдан кетиши талаб қилинаётган аргентиналик ҳужумчи Мауро Икарди ўзига янги жамоа топиши керак. Акс ҳолда, клуб хўжайинлари уни бир неча футболичига қўшиб, бешинчи дивизиондаги  захира жамоасига жўнатиб юбориши мумкин.

Машҳур футболчига А Серия дебютанти “Монца”дан чорлов бўлганди. Лекин Икарди бу таклифни қабул қилмади.

Табиийки, Икарди даражадасидаги ҳужумчига жиддий клублар ҳам эътибор қаратмоқда. Хусусан, ўткир ҳужумчига эҳтиёж сезаётган “Манчестер Юнайтед” ва “Галатасарой” 29 ёшли форвардни нишонга олган.

Мауро ўтгн мавсумда 30 та учрашувда қатнашиб, рақиблар дарвозасини беш бор ишғол қилди. Моҳир ҳужумчининг трансфери 22 миллион еврога баҳоланмоқда.