ПСЖ юлдузи Париждан кетадиган бўляпти

“Ливерпуль” билан шартномаси тугаганидан кейин ПСЖга кўчиб ўтган Жоржиньо Вейналдум мавсум якунлангач, жамоасини ўзгартиришга қарор қилди.

Аслида нидерландиялик футболчи ёзда “Барселона”га ўтиши кутилган эди. Бироқ, парижликларнинг катта маошига учган ярим ҳимоячи Каталонияга боришни истамади ва ПСЖни танлади.

“Ливерпуль”да асосий вазифаларни бажарган Вейналдум Маурисио Почеттино жамоасида захира ўйинчисига айланиб қолди. Шунинг учун у ўзига ўйин амалиётини кафолатлайдиган клуб топишни режалаштирган.

Жоржиньо Франция чемпионатига ўтганидан бери миллий чемпионатда 14 та беллашуда қатнашиб, битта тўп киритди.