ПСЖ юлдузини Англиянинг уч гранди талашяпти

Англия Премьер-лигаси вакилларидан “Арсенал”, “Челси” ва “Ливерпуль” раҳбарияти Европа Чемпионлар лигасининг амалдаги ғолиби ПСЖ таркибида ўйнаётган қанот ҳужумчиси Брэдли Барколани ўз сафига қўшиб олишга ҳаракат қилмоқда. 

TEAMtalk нашри хабарига кўра, гранд клублар Париж клуби ва футболчининг агентлари билан дастлабки музокараларни олиб борган. 

Манбага кўра, 23 ёшли вингер келаси ёзда “Пари Сен-Жермен”дан кетадиган футболчилардан бири ҳисобланади. Бироқ парижликлар уни қишки трансфер ойнаси вақтида қўйиб юбормаслигини билдирган. 

Шу билан бирга, мавсум якунида Баркола билан янги шартнома бўйича музокаралар ўтказилиши режалаштирилгани ҳақида ҳам хабарлар бор. Футболчи 2023 йилнинг ёзидан бери ПСЖ сафида ўйнаб келмоқда. Барколанинг клуб билан амалдаги шартномаси 2028 йил ёзигача амал қилади. Transfermarkt маълумотига кўра, Барколанинг бозор қиймати 70 миллион еврони ташкил қилмоқда.