PSJga “Real”ni “sindirish” vazifasi qo‘yildi

PSJ rahbariyati klubga xo‘jayinlik qiluvchi Qatar Investment Authority kompaniyasi xo‘jayini Abdulla Bin Muhammad Bin Saud al-Tanidan yangi topshiriq oldi.

Unga ko‘ra, parijliklar “Renn” yarim himoyachisi Eduardo Kamavinga uchun kurashda futbolchiga asosiy da’vogar bo‘lgan “Real”ni “sindirishi” shart.

Ayni paytda hech bir jamoa joriy yozgi transferlar vaqtida 17 yoshli frantsiyalik futbolchini qo‘lga kirita olmaydi. Asosiy kurash keyingi yozda bo‘ladi.

Kamavinga yangi mavsumdagi ilk xalqaro musobaqa – Millatlar ligasida Frantsiya terma jamoasi sharafini himoya qilmoqda. Yosh futbolchiga terma jamoaga koronavirusga chalingan Pol Pogbaning o‘rniga chaqirtirilgan.