Пхёнчхан-2018: Бугунги кун Германия термаси учун ажойиб бошланди

Жанубий Кореянинг Пхёнчхан Олимпиадасининг олтинчи кун беллашувлари бошлаб юборилди. Ушбу кун ўйналган биринчи медаллар шодаси фигураи учишнинг жуфтлик йўналишида бўлди. 

Қисқа дастурдан кейин иккинчи ўринда бораётган германиялик дуэт Алена Савченко ва Бруно Массо эркин дастурда ажойиб чиқиши билан барчанинг олқишларига сазовор бўлди. Ўз навбатида, ҳакамлар ҳам уларнинг чиқишини юқори балл билан баҳолади. Шу тариқа, бу жуфтлик Германия терма жамоасининг Олимпиададаги саккизинчи олтин медалини тақдим қилди. Кумуш ва бронза медаллари Хитой ҳамда Канада терма жамаоси вакилларига насибэтди. 

Фигурали учиш. Жуфтлик. 

1. Алена Савченко – Бруно Массо (Германия)
2. Вэньцзинь Суй – Цун Хань (Хитой)
3. Меган Дюамель – Эрик Редфорд (Канада)