Пхёнчхан-2018: Кёрлингда ярим финалга йўл олганлар аниқланди

Жанубий Кореянинг Пхёнчхан шаҳрида қишки Олимпия ўйинлари давом этмоқда. Айни дамда кёрлинг спортининг дабл-микст йўналишида 5-тур учрашувлари ўз якунига етди. Эътиборлиси, ушбу тур мусобақанинг ярим финалига йўл олган жамоалар номини аниқлаб берди.

Мусобақа мезбонлари устидан ғалаба қозонган Россиялик Олимпиадачи атлетлар (РОА), Швейцария, Канада ҳамда Норвегия терма жамоалари 5 учрашувда 4тадан ғалаба қозониб, ярим финал йўлланмасини нақд қилишди. 5-тур натижалари:

Хитой – АҚШ – 6:4

Норвегия – Финляндия – 7:6

Канада – Швейцария – 7:2

Корея – Россиялик Олимпиадачи атлетлар – 5:6