Пхёнчхан-2018: Тоғ чанғисининг бугунги баҳсларида ғолиблар аниқланди

Пхёнчхан Олимпиадасининг бугунги кун беллашувларида тоғ чанғисининг 2 йўналишида медаллар жамланмаси ўйналиши белгилаб қўйилган эди.  

Дастлаб эркаклар ўртасида тезкор тушиш бўйича баҳслар ўтказилиб, унда норвегиялик Аксель Лунд Свиндаль ғалаба қозонди ва иккинчи бор Олимпиада чемпиони деган номга сазовор бўлди. Аёллар ўртасида кечган гигант слалом баҳсида эса америкалик Микаэла Шиффрин энг яхши натижани қайд этди. Эътиборлиси, бугун Шиффрин ҳам ўзининг Олимпиадалардаги олтин медалларини 2тага етказиб олди. Микаэла 4 йил аввал Сочида слалом баҳсида тенгсиз бўлганди. Батафсил: 

Тоғ чанғиси. Эркаклар, тезкор тушиш.

1. Аксель Лунд Свиндал (Норвегия)
2. Кьетиль Янсруд (Норвегия)
3. Беат Фойц (Швейцария)

Тоғ чанғиси. Аёллар, гигант слалом.

1. Микаэла Шиффрин (АҚШ)
2. Рагнхиль Мувинкель (Норвегия) 
3. Федерика Бриньоне (Италия)