Пётр Ян: "Спорт ва сиёсатни ўзаро аралаштирмаслик керак"
Бир неча кун аввал Оқ Уйда бўлиб ўтадиган UFC турнирида россиялик ММА усталари иштирок этмаслиги ҳақида миш-мишлар тарқалганди. Шундан сўнг, Россия вакили Пётр Ян ушбу ҳолатга ўз муносабатини билдирди.
"Русларга Оқ уйда бўлиб ўтадиган UFC турнирида жанг қилишга рухсат берилмагани ростми? Очиғи, мен буни эшитмагандим. Биласиз, UFC бутун дунёдан жангчиларни ўз ичига олган халқаро ташкилотдир. Агар россияликлар ҳам Оқ Уйда иштирок этса, спорт ва сиёсат ўзаро аралашмаслиги кераклигини кўрсатувчи ажойиб мисол бўларди", – деди UFC чемпиони.
Эслатиб ўтамиз, Оқ Уйдаги UFC турнири 14 июнь куни бўлиб ўтиши режалаштирилган.
Фикрлар