Қандай қилиб?! "Барселона" Левандовски учун нақд 7 клубдан ҳамон қарздор

Каталониянинг "Барселона" клуби Роберт Левандовски трансфери учун нақд 7 та клубдан қарздор эканлиги маълум бўлди.

"AS Katalonia" нашрининг молиявий ҳисоботида келтирилган маълумотларига таянадиган бўлсак, "Барселона" баъзи Европа клубларига трансферлар учун жами 147 миллион евродан сал кўпроқ қарздор бўлиб, шундан 45 миллиони тезроқ муддатда, 102 миллиони эса узоқ муддатда қайтарилиши керак.

2022 йилнинг ёзида "Бавария"дан 50 миллион евро эвазига жамоага қўшилган Роберт Левандовски учун еттита клуб "Барселона"дан пул олиши керак. Мюнхен жамоаси каталонияликлардан жами 21 миллион евро олиши керак. Бундан ташқари, вингернинг трансфери орқали "Боруссия Дортмунд" 156.000, "Легия" 100.000, "Лех" 238.000, "Дельта" 66.000, "Знич" 226.000 ва "Полония" 338.000 евро олишлари лозим.

"Барселона" фақат шу билан қутулиб қолмайди. Жамоа 2022 йилда "Лидс"дан 58 миллион евро эвазига қўшилган Рафинянинг трансфери учун ҳам маълум сумма тўлаши керак. Клуб инглизларга деярли 42 миллион евро тўлаши керак. Қолган пул форварднинг аввалги клублари "Спортинг" ва "Ренн"га тўланиши керак.

Яна Ферран Торрес учун "Манчестер Сити"га Ферран Торрес учун 65 миллион, "Бетис"га эса Эмерсон Роял учун 900 минг ва Жуниор Фирпо учун 600 минг евро ўтказиб берилиши керак.

Шунингдек, айни дамда айнан "Бетис"да ижара асосида ўйнаётган Виктор Роке учун "Атлетико Паранаенсе"га 20 миллион евро миқдоридаги пуллар тўлаб берилиши лозим.