Qarshida o‘tgan kichik o‘smirlar, o‘smirlar va yoshlar o‘rtasidagi O‘zbekiston chempionati qizg‘in tarzda o‘tdi

Qashqadaryoning Qarshi shahri aralash jang sanatlari bo‘yicha kichik o‘smirlar, o‘smirlar va yoshlar o‘rtasidagi O‘zbekiston chempionatiga mezbonlik qildi. Mazkur chempionatga qiziqish juda ham yuqori bo‘ldi. Sababi joriy yili Bahrainda bo‘lib o‘tadigan yoshlar o‘rtasidagi Osiyo o‘yinlariga saralash vazifasini ham o‘tab berdi. 

Ushbu chempionat ko‘rstadiki, yurtimizda aralash jang sanatlariga bo‘lgan qiziqish juda ham yuqori va jadal suratlarda rivojlanib bormoqda. Bunga mingga yaqin sportchini g‘olib va sovrindorlik uchun bahs yuritgani misol bo‘la oladi. 

Shuni ham alohida ta’kidlab o‘tish kerakki, yurtimizning barcha hududlarida yosh iste’dod egalari etishib chiqayotganligini guvohiga aylandik. Barcha viloyat vakillari musobaqada faol qatnashdi. Andijon, Farg‘ona, mezbon Qashqadaryo medallar jamg‘arish bo‘yicha etakchi bo‘ldi.