Қашқадарё ҳокими "Насаф" раҳбарияти ва ҳомийлар билан молиявий муаммоларни ечиш масалаларини муҳокама қилди

"Насаф" клуби молиявий инқирозни бошдан кечирмоқда. Жамоа шундай ҳолатда бўлишига қарамай, ўтган мавсум Суперлигада 2-ўринни қўлга киритди, Ўзбекистон кубогида эса, ярим финалда иштирок этди.

Қашқадарё вилояти ҳокими Зойир Мирзаев ушбу натижалардан сўнг, клубни табриклаб, қўллаб-қувватлашга тайёрлигини билдирганди. Куни кеча Зойир Мирзаев "Насаф" футбол клуби раҳбарияти ва ҳомийлар билан учрашиб, жамоадаги молиявий муаммоларни ечиш масалаларини муҳокама қилгани борасида вилоят ҳокимлиги матбуот хизмати хабар берди. Бироқ учрашув тафсилотлари борасида бошқа ҳеч нарса дейилмаган. Кўрамиз, бундай учрашувлардан сўнг "аждарлар"даги молиявий ҳолат ўзгарармикин?

photo_2021-01-19_07-04-59

photo_2021-01-19_07-05-02

Фикрлар

Фикр қолдириш учун авторизациядан ўтинг!