Қатар чемпионати. Рашидов тур рамзий жамоасига киритилди (фото)

Қатар Юлдузлар лигасида тўп тепадиган ҳамюртимиз Сардор Рашидов маҳаллий нашрлар томонидан эътироф этилди. Унинг "Ал-Аҳли" жамоасига қарши ўйиндаги ҳаракатлари сабаб "Alkass" нашри томонидан 1-тур рамзий терма жамоасига киритилди.

Унинг жамоаси мазкур ўйинда 0:1 ҳисобида мағлубиятга учради. Қизиғи, "Умм-Салал" ушбу баҳсда рақиб дарвозаси томон 26 та зарба йўллаганди.

Маълумот ўрнида, иккинчи турда легионеримиз клуби "Ал-Садд"га қарши майдонга чиқади.