Қай ҳолатда Роналду "Барселона"га қарши ўйнаши мумкин?

"Ювентус" футболчиси Криштиану Роналду коронавирус юқтириб олганлиги ҳақида хабар берган эдик.

Португалиялик ҳужумчи Чемпионлар Лигаси гуруҳ босқичидан ўрин олган "Барселона"га қарши учрашувни ўтказиб юбориши эҳтимоли юқори. Чунки ўйингача 2 ҳафта вақт қолди ва Роналду изоляцияга олинган. Бироқ ўйиндан 1 ҳафта олдин Криштианунинг коронавирус тести манфий натижа берса, УЕФА унга ўйинга тушиш учун рухсат беради.

Лионель Месси ҳамда Криштиану Роналду яна бир майдонда ҳаракат қилиши мумкин. Жавоб учрашви эса, 8 декабрга белгиланган.