“Қайрат” бош мураббийи: “Реал”да ҳам оддий одамлар ўйнайди!

Европа Чемпионлар лигаси умумий гуруҳ иккинчи турида Мадриднинг “Реал” жамоаси Алматида Қозоғистон чемпиони “Қайрат” билан куч синашади.

30 сентябрга белгиланган учрашув олдидан мезбонлар бош мураббийи Рафаэль Уразбахтин бўлажак баҳс ҳақида ўз фикр-мулоҳазаларини билдирди.

- Мухлисларимиз ишончини оқлашга ҳаракат қиламиз. Муносиб ўйин кўрсатишимиз керак. Мен натижа ҳақида гапирмоқчи эмасман, энг аввало, ўз ўйинимизни кўрсатишимиз лозим. Бунақа вазиятда фақат “Қайрат”нинг мухлислари эмас, балки бутун Қозоғистон бирлашиши керак.

“Реал”да ҳам оддий одамлар ўйнайди. Уларнинг тақвими жуда оғирлигини биламиз. Етти-саккиз кун ичида учта ўйинда майдонга тушишларига тўғри келяпти. Қўшимчасига, бу ергача узоқ йўл босиб келишди. Бу ҳам жуда муҳим омил. Буни биз ҳам бошимиздан ўтказдик. Бунақа ўйинчиларнинг келиши бизнинг йигитларга ҳам катта мотивация бўлади. Рақиб фонида ўзларининг нималарга қодирликларини билиб олишади, - деди Рафаэль Уразбахтин.