Қиличбозларимизнинг Осиё чемпионатидаги иштироки давом этади
Ads

Япониянинг Токио шаҳрида қиличбозлик бўйича Осиё чемпионати давом этмоқда. Бугун иккинчи кун доирасида эркаклар ўртасида сабля, аёллар ўртасида шпага қуролларида баҳслар бўлиб ўтади.

Ушбу кун дастурлари бўйича 3 нафар ҳамюртимиз баҳс олиб бориши белгилаб қўйилган. Саблячи йигитларимиздан Пазилбек Генжебаев ҳамда Шерзод Мамутов, шпачимиз Малика Ҳакимова баҳсларни давом эттиришмоқда.

Айни пайтга келиб, гуруҳ босқичи беллашувлари якунланди ва ҳамюртларимизнинг барчаси плей-офф босқичига муваффақиятли йўл олишди.

Манба: МОҚ