Қиличбозлик бўйича Жаҳон кубоги бошланди

Пойтахтимизда жойлашган Гимнастика бўйича ихтисослаштирилган болалар ва ўсмирлар спорт мактабида ўтаётган мусобақа Ўзбекистон Жисмоний тарбия ва спорт вазирлиги, Миллий олимпия қўмитаси ва мамлакатимиз қиличбозлик федерацияси томонидан ташкиллаштирилди.

 

Бугун, 16 ноябрь куни ўсмир қизлар мусобақанинг биринчи кунида яккалик баҳслари бўйича ўзаро рақобатни бошладилар. Эртага, 17 ноябрь куни эса саблячилар жамоавий беллашувларда ўз омадларини синаб кўрадилар.

 

Эслатиб ўтамиз, Жаҳон кубогида дунёнинг 10 та мамлакатидан келган 100 нафардан ортиқ қиличбозлар бош соврин учун куч синашмоқда.