Қимматбаҳо футболчи клубдан кетмоқчи

Англия Премьер-лигасида пешқадамлик қилаётган Лондоннинг “Арсенал” клуби қанот ҳимоячиси Бен Уайт жамоани тарк этиш ҳақида бош қотира бошлади. Бу ҳақда журналист Бен Жейкобс хабар берди.

Манба маълумотига кўра, 28 ёшли футболчи келгуси икки мавсумда ўйин амалиёти кескин камайиб кетишидан хавотирда ва шу сабабли ўзи учун янги чақирув изламоқда.

Таъкидланишича, у ҳатто жуда яхши формада бўлган тақдирда ҳам “Арсенал” билан хайрлашишга тайёр.

2021 йилда “канонирлар” Уайтни “Брайтон”дан қарийб 60 миллион еврога сотиб олган эди. Жорий мавсумда у барча мусобақаларни ҳисобга олган ҳолда 13 та ўйинда майдонга тушиб, ҳимоядаги вазифаларини бажаришдан ташқари 1 та голли узатмани амалга оширди.

Ҳимоячининг “Арсенал” билан тузилган амалдаги шартномаси 2028 йилнинг ёзигача  мўлжалланган.