"Қирол якшанба куни ўйнайди" – Роналду МЮда қолишига ишора қилди

Криштиану Роналду "Instagram"да ўзини қирол дея атаб, "қизил иблислар" сафида майдонга тушишига ишора қилди.

Ҳужумчи мухлисларнинг "Атлетико" ва "Райо Вальекано" жамоаларига қарши ўртоқлик ўйинларида Роналдунинг ўйнамаслиги ҳақидаги пост тагига қуйидагича изоҳ ёзиб қолдирди: "Якшанба куни қирол ўйнайди".

Эслатиб ўтамиз, 37 ёшли форвард "Атлетико"га қарши ўйин қайдномасидан ўрин олмаган. У якшанба куни "Райо Вальекано"га қарши баҳсда майдонга тушиши кутилмоқда.