"Қизилқум" - "Пахтакор" ўйинида VAR ишламайди. Сабаби...

Бугун Навоийда чемпионатимизнинг 18-тури доирасида “Қизилқум” – “Пахтакор” учрашуви бўлиб ўтади. Аммо мазкур ўйинда VAR тизими ишламаслиги маълум бўлди. Бу хусусида ЎзФҲМ шундай хабар қилади:

“Ўзбекистон Cоcа Cоlа Суперлигаси 18-туридан ўрин олган “Қизилқум” – “Пахтакор” учрашуви VAR сиз ўтади. Техник носозлик сабабли VAR технологиясида айрим муаммолар пайдо бўлди ва шу туфайли ушбу учрашувни видео ассистентларсиз ўтказишга мажбурмиз.

Мавжуд ноқулайликлар учун барча футбол оммасидан узр сўраймиз. Айни дамда муаммони бартараф этиш бўйича амалий ишлар олиб борилмоқда ва кейинги тур учрашувларигача VAR яна ўз ҳолига қайтишига умид қилиб қоламиз”, - дейилади расмий баёнотда.

Эслатиб ўтамиз, кеча "Нефтчи" - "Андижон" учрашувида ҳам ВАР тизими ишламаслиги айтилганди.