"Qizilqum" - "Rostov" U-19 ishtirokidagi o‘yinni maydon chetida ikkita jamoa kuzatdi, bunga sabab...
Turkiyada ko‘plab klublar yig‘in o‘tkazishayotganidan xabaringiz bor. Bundan bir necha daqiqa oldin “Arkadiya” maydonida “Qizilqum” klubi “Rostov” U-19 jamoasi bilan bellashdi va 2:0 hisobida zafar quchdi.
Mazkur o‘yinni maydon chetida ikkita jamoa – “Andijon” hamda Rossiyaning “Tver” klublar bevosita kuzatib borishgan. Bunga sabab shundaki, ular maydon bo‘shashini kutib turishgan.
Chunki aynan “Andijon” bilan “Tver” ishtirokidagi uchrashuv ham bugunga va “Arkadiya” maydonida o‘tkazilishi belgilangan. Bu borada “Andijon” klubi matbuot xizmati “vakillarimiz va raqiblarimiz “Arkadiya” stadionidagi maydon bo‘shashligini kutib “Qizilqum” – “Rostov” bahsini kuzatishmoqda”, - deya xabar yozib qoldirgan. O‘yin Toshkent vaqti bilan 19:30 ga belgilangan.
Fikrlar