"Қизилқум" жамоаси халқаро турнирга жўнаб кетди

Хабарингиз бор, 7-12 июль кунлари "Қизилқум" жамоаси Россия Федерациясида ўтказиладиган "Иннопром-2024" мусобақасида иштирок этади. Шу сабабдан бугун вакилларимиз Навоий халқаро аэропортидан Навоий - Екатернбург йўналиши орқали Россия Федерациясига жўнаб кетди.

"Иннопром-2024" мусобақасида "Қизилқум"дан ташқари «Урал» (Россия), «Равшан» (Тожикистон), ИМТ Белград (Сербия) жамоалари иштирок этади. Жамшид Саидов шогирдлари илк учрашувни 7 июль куни ИМТ Белград жамоасига қарши ўтказади.

Екатернбурга йўл олган «Қизилқум» жамоаси аъзолари:

Дарвозабон: Ҳумоюншох Сайётов

Ҳимоячилар: Илҳомжон Вахобов, Николай Тарасов, Файзулло Қамбаров, Абдухолиқ Турсунов, Самандар Шукруллаев.

Ярим ҳимоячилар: Даврон Анваров, Хумоюн Абдуалимов, Шахзод Рахматиллоев, Азизбек Усмонов, Диёрбек Рахматиллоев, Бобомурод Бозоров, Асадбек Асадов.

Ҳужумчилар: Муҳаммадали Ғиёсов, Файзулло Жуманқўзиев.

"Қизилқум" матбуот хизмати.