"Қизилқум" келгуси ҳафтада Суперлиганинг 2 грандига қарши ўртоқлик учрашувлари ўтказади

2021-йилги мавсумга жиддий тайёргарлик кўраётган "Қизилқум" клуби ўқув-машғулот йиғинларини Тошкентда давом эттирмоқда. Бугун янги мавсумга қуръа ташлаш маросимига ташриф буюрган Ҳамиджон Актамов жамоасини олдинда 2 та кучли рақибга қарши ўртоқлик учрашуви кутиб турганини маълум қилди:

"Жамоада янги тажрибали футболчилар бор. Олдимизда турган яна бир ҳафталик ўқув-машғулот йиғинларида яхши меҳнат қилиб, янги мавсумга жиддий тайёргарлик кўришни давом эттирамиз. Келгуси ҳафтада 2 та ўртоқлик ўйини ўтказишни режалаштирганмиз: "Пахтакор" ва "Қўқон-1912" жамоалари билан бу борада келишиб қўйганмиз", - деди Актамов.