"Қизилқум" клуби раҳбариятида ўзгариш

Куни кеча "Қизилқум" жамоаси қароргоҳида йиғилиш ўтказилиб, унда ташкилий масала кўрилди. Шу пайтгача жамоа бош директори вазифасини бажариб келаётган Алишер Холиқов ўрнига Эргашев Амин Абдурасулович тайинланди.

Алишер Холиқов эса эндиликда жамоанинг спорт директори лавозимида, шу вақтга қадар ушбу лавозимда ишлаб келаётган Воҳид Шодиев эса техник директор лавозимида фаолият олиб борадиган бўлди.

"Қизилқум" ПФК бош директори хақида маълумот:

Исми шарифи: Эргашев Амин Абдурасулович
Туғилган куни: 26.01.1986 й
Туғилган жойи: Навоий вилояти, Кармана тумани

Эргашев Амин Абдурасулович шу кунгача спортнинг ММА (аралаш яккакураш) тури бўйича фаолиятини олиб борган. Бир нечта жангларда ғалаба қозониб, турли камарларни қўлга киритган.