"Қизилқум" ўртоқлик ўйинида "Арал"га ютқазди. Таркибга эса ОКМКдан Бахтиёр Қосимов қўшилди

Жамшид Саидов устозлик қилаётган “Қизилқум” бугун про лига вакили “Арал”га қарши ўртоқлик учрашувида қатнашди. 6 та гол урилган “Қизилқум” “Арал”га имкониятни бой берди. Навоийликлардан Хумоюн Абдуалимов билан Элгужа Лобжанидзе гол муаллифлари бўлдилар. “Арал”дан Тоҳир Шамсиддинов, Расул Мусаев, Шахзод Туропов ва Мухиддин Расулов рақиб дарвозасини ишғол қилдилар.

“Қизилқум” сафига ОКМКда тўп сурган Бахтиёр Қосимов қўшилди. Ярим ҳимоячи масаласи тез орада ҳал бўлиши кутилмоқда. Шунингдек, тожикистонлик Руслан Хайлоев ҳам навоийликлар сафидаги машғулотларини давом эттирмоқда.

“Қизилқум”: Роберт Озолс, Илҳом Ваҳобов, Файзулла Қамбаров, Абдуҳолиқ Турсунов, Бозоров, Хумоюн Абдуалимов, Бекзод Саидов, Руслан Хайлоев, Шахзод Раҳматуллаев, Даврон Анваров, Файзулла Жуманқўзиев.

Иккинчи бўлимда майдонга тушганлар: Самандар Шукуруллаев, Азизбек Усмонов, Асрор Ғофуров, Жамолиддин Убайдуллаев, Элгужа Лобжанидзе, Николай Тарасов, Гиорги Кухианидзе, Акаки Шулайя, Муҳаммадали Ғиёсов, Бахтиёр Қосимов.