Қолганларга фарқи йўқми? “Реал”да фақат бир футболчи узр сўраш учун ўзида куч топа олди

Испания чемпионатининг 26-турида “Реал” футболчилари ўз мухлислари кўз ўнгида “Хетафе”га 0:1 ҳисобида ютқазиб қўйди.

Кутилмаган мағлубиятдан кейин мадридлик ўйинчилар орасида дарвозабон Тибо Куртуа аламлик натижа учун ишқибозлардан узр сўради.

Учрашувдан иштирок этганлардан фақатгина бельгиялик голкипер трибунага бориб, қўллаб-қувватлаганлари учун мухлисларга миннатдорлик билдирди ва улардан кечирим сўради.

Қайд этилишича, қолган бирорта футболчи ўйиндан кейин интервью ҳудудида матбуот вакиллари билан мулоқот қилмаган.