"Қўқон-1912" 19 март куни ўртоқлик ўйини ўтказади

Суперлиганинг навбатдаги турига тайёргарлик кўраётган "Қўқон-1912" жамоаси футболчилари Тошкент шаҳрида машғулотларни давом эттиришмоқда. Бу ҳақда клуб матбуот хизмати хабар берди.

Манбанинг маълум қилишича, машғулотлар кунига икки маҳалдан "Бунёдкор" академиясига қарашли майдонларда бўлиб ўтмоқда.

Мураббийларнинг режаларидан 19 март куни назорат учрашувини ўтказиш ўрин олган. Шу куни қўқонликлар "Локомотив БФК" жамоасига қарши майдонга тушадилар.

Ўртоқлик учрашуви бўлиб ўтадиган стадион ҳамда учрашув вақти тўғрисида эртага аниқ маълумот берамиз.