"Qo‘qon-1912"ning "So‘g‘diyona" bilan o‘yinga tayyorgarligi davom etmoqda, tarkibda ikki nafar futbolchi yo‘q

Baxtiyor Ashurmatov boshchiligidagi "Qo‘qon-1912" jamoasi Superliganing navbatdagi turida bo‘ladigan "So‘g‘diyona"ga qarshi uchrashuvga jiddiy tarzda tayyorgarlik ko‘rmoqda.

Jamoa futbolchilari mashg‘ulotlarda astoydil ter to‘kmoqdalar. Bugungi mashg‘ulotlar ham Qo‘qondagi "markaziy" stadionida bo‘lib o‘tdi.

Mashg‘ulotlarda biroz shamollab qolganligi sababli serbiyalik himoyachi Ivan Yosovich ishtirok etmayapti. Anvarjon Xojimirzaev ham hozircha jamoa mashg‘ulotlariga kelib qo‘shilgani yo‘q. Qolgan futbolchilar murabbiylar bergan ko‘rsatmalarni bajarish uchun maydonda astoydil ter to‘kmoqda.

Bugungi mashg‘ulotlarda futbolchilarning maydondagi fikrlashlari, o‘yin vaqtida tezkor va to‘g‘ri  qaror chiqarishlariga qaratilgan mashqlarga ko‘proq urg‘u berildi.

“Qo‘qon-1912” matbuot xizmati.