Қўқонда грепплинг бўйича "Қўқон Опен" турнири ўтказилади

6-8 октябрь кунилари Қўқон шаҳрида Ўзбекистон панкратион ва грепплинг ассоциацияси томонидан греплинг бўйича “Қўқон Опен” турнири ташкил этилади. Мазкур мусобақа U-13 ва U-15 ёш тоифаларида ўтказилади.

Хабарингиз бор, Ўзбекистон панкратион ва грепплинг ассоциацияси ташкил этилганига кўп бўлмаган бўлса-да, юртимизда жаҳон чемпионати қабул қилиб, уни юқори савияда ташкил этди. Шунингдек, Фарғонада “Янги Ўзбекистон” турнири ҳам ажойиб тарзда ўтказилди. 1 октябрь куни Самарқандда панкратион бўйича “Ипак йўли” мусобақаси ҳам бўлиб ўтади.

Ассоциация раҳбари Ҳожиакбар Ҳакимовнинг таъкидлашича, ушбу турнирлар юртимизда панкратион ва грепплингнинг янада ривожланиши ва оммавийлигини оширишга хизмат қилади. Қолаверса, ёш истеъдодлар ҳам сараланиб, уларнинг халқаро турнирларда иштирок этишларига замин яратилади. Шунингдек, “Қўқон Опен” турнири анъанавий тарзда ўтказилиши ҳам кўзда тутилган.