Қозоғистон бокс терма жамоасига янги бош мураббий тайинланди

Қайрат Сатжанов 2024 йил август ойидан буён бокс бўйича Қозоғистон эркаклар терма жамоасининг бош мураббийи сифатида фаолият юритиб келаётганди. 

Бироқ 35 йилдан ортиқ мураббийлик тажрибасига эга бўлган Қайрат соғлиғи билан боғлиқ сабабларга кўра мазкур лавозимни тарк этишга мажбур бўлди. Унинг ўрнига эса Нуржон Насанов бош мураббий этиб сайланди. 

Маълумот учун, Насанов мураббий сифатида икки карра жаҳон чемпиони Санжар Ташкенбай ҳамда яна бир қатор иқтидорли боксчиларни етиштириб чиқарган.