Қудратилло Абдуқаҳҳоров ва Сергей Липинец жанги бўладими?

Профессионал боксчимиз Қудратилло Абдуқаҳҳоров (17-0,9 КО) 10 октябрь куни россиялик Сергей Липинецга (16-1,12 КО) қарши IBF муваққат камари учун жанг қилиши керак эди. Бироқ виза муаммоси туфайли ҳамюртимиз АҚШга ўз вақтида етиб бора олмайдиган бўлди. Шунинг учун, ушбу жанг номаълум муддатга қолдирилди.

Юртдошимизнинг рақиби Липинец эса ўша куни жанубий африкалик Крис Ван Хеерденга (28-2-1,12 КО) қарши рингга кўтариладиган бўлди. Бироқ жанг титул учун эмас. Вақтинчалик чемпионлик учун россиялик чармқўлқоп устаси фақатгина Қудратилло Абдуқаҳҳоровга қарши жанг қилиши керак бўлади. 

Воқеалар ривожини бизда кузатиб боринг!

Матнда хатолик топсангиз, ўша хатони белгилаб, бизга жўнатинг (Ctrl + Enter)