Qudratillo Abduqahhorovning chempionlik jangi bekor qilindi

Yarim o‘rta vazn toifasida IBF vaqtinchalik jahon chempionlik kamari uchun 24 oktyabr kuni bo‘lishi kerak bo‘lgan Sergey Lipinets va Qudratillo Abduqahhorov jangi bekor qilindi.

Abduqahhorov viza muammosi sabab chetlatildi va Sergey Lipinets (16-1, 12 KO) IBF yo‘nalishida 5-o‘rinda borayotgan Kastio Klaytonga (18-0, 12KO) qarshi ushbu kamar uchun ringga ko‘tariladigan bo‘ldi. 

Ma’lumot uchun, agar hamyurtimiz ushbu jangda ishtirok etib, g‘alaba qozongan taqdirda IBF jahon chempionlik kamari uchun da’vogarga aylanar edi.