Рафаэль Бенитес "Ньюкасл"дан кетади

"Ньюкасл" клуби бош мураббийи Рафаэль Бенитес тез орада ўз лавозимини тарк этади. Бу ҳақда The Telegraph нашри хабар тарқатмоқда.

Юқоридаги манбаага кўра 59 ёшли испаниялик мутахассис “қарғалар” билан амалдаги шартномани узайтириш борасида келишувга эриша олмади. Унинг шартномаси эса 30 июнь куни ўз ниҳоясига етади.

Маълумот учун, Бенитес “Ньюкасл”ни 2016 йилнинг мартидан буён бошқариб келмоқда. Жамоа ўтган мавсум АПЛни 13-ўринда якунлади.