Рафинья: "Кўпчилик мендан "Барселона"дан кетишимни хоҳлаган эди”

"Барселона" ҳужумчиси Рафинья Англиянинг "Лидс" клубидан Каталонияга кўчиб ўтганидан кейинги танқидлар ҳақида фикр билдирди.

"Кўпчилик илк ўйинларимдан сўнг мендан “Барселона”дан кетишни хоҳлаган эди. Эҳтимол, мен улар кутган ишларни қилмаганман. Мен улар кутган ўйинчи бўлмаганман, шунинг учун менда келажак кўрмаганлар ҳам бўлган ва бу фақат бир нечта одам эмасди — бу умумий фикр эди", — деди Рафинья "Barca Universal" нашрига берган интервьюсида.

Эслатиб ўтамиз, каталонияликлар 2022 йили Рафиньяни "Лидс"дан деярли 60 миллион еврога сотиб олган эди. Ўтган мавсумда бразилиялик вингер жамоанинг етакчиларидан бирига айланиб, "Олтин тўп" учун овоз беришда бешинчи ўринни эгаллади. Жорий мавсумда эса Рафинья Ла Лигадаги олти ўйинда учта гол уриб, икки ассист қайд этган.