Рафинья Роналду қилган ишни такрорлади

Европа Чемпионлар лигаси ярим финалида “Интер” футболчилари “Барселона”ни мусобақадан чиқариб юборди. Бу жамоалар ўртасидаги иккинчи учрашувда ҳам 3:3 ҳисобида дуранг қайд этилди.

Ғолибни аниқлаш учун белгиланган қўшимча вақтда Италия чемпионлари каталонияликлар дарвозасини ишғол қилиб, финалга йўл олди.

Учрашувда “Барселона”нинг бразилиялик легионери Рафинья самарадорлик бўйича Криштиану Роналду рекордини такрорлади.

Беллашувда каталонияликларнинг учинчи тўпини киритган 28 ёшли футболчи “гол+пас” тизимида 21 балл тўплади. Рафинья қитъанинг энг нуфузли мусобақасида 13 та гол ва 8 та ассист қайд этди.

Худди шу натижани 2013-2014 йилги мавсумда “Реал” шарафини ҳимоя қилган Криштиану Роналду кўрсатган эди. Бироқ португалиялик юлдуз 17 та гол ва тўртта ассист орқали умумий 21 балл жамғарган.

“Барселона” мусобақадаги юришини тўтатгани боис, Рафинья самарадорлик бўйича Европа Чемпионлар лигасининг мутлақ рекордини ўрнатиш имкониятидан мосуво бўлди.