Раҳбарият Хави ўрнига “Барса”га муносиб мураббий топди. У Италияда зўр ишлаяпти
“Барселона” раҳбарияти ҳар эҳтимолга қарши Хави Эрнандес ўрнини эгаллаши мумкин бўлган мураббий танлади.
Football Espana нашрига кўра, каталонияликлар “Болонья” бош мураббийи Тьяго Моттани олиб келишни режалаштиряпти. Мотта “Болонья”ни қабул қилиб олганидан кейин қисқа муддатда натижа кўрсата бошлади. Айни пайтда “Болонья” А Серияда юқори ўринлар учун курашмоқда.
“Барса”нинг спорт директори Деку бош мураббийликка айнан 41 ёшли Моттани олиб келиш керак, деган фикрда қатъий турибди.
Деку ва Мотта 2000 йиллар ўрталарида “Барселона”да бирга ўйнаган.
Тьяго Мотта мураббийлик фаолиятини 2019 йили бошлади. Италиялик мураббий шу кунга қадар ПСЖ ёшлар жамоаси, “Женоа” ва “Специя” клубларида ҳам ишлаган.
Фикрлар