Ракитич янги мавсумни ҳам "Барселона"да ўтказади

“Барселона” хавбеки Иван Ракитич ўзига нисбатан Европа грандларидан жиддий қизиқишлар бўлаётганига қарамай янги мавсумни Каталония супер клубида ўтказмоқчи.

Sport.es тарқатган хабарга кўра “кўк-анор ранглилар” устози Эрнесто Вальверде ҳам, клуб президенти Хосеп Бартомеу ҳам 31 ёшли хорватиялик футболчининг кўрсатаётган ўйинларидан тўлиқ қониқиш хосил қилмоқда ва шу боис улар Ракитични сотиб юборишни хоҳлашмаяпти.

Маълумот учун, Ракитич жорий мавсум “Барселона” сафида жами 42та ўйинда иштирок этди ва 5та гол ҳамда 9та голли узатмага муаллифлик қилди. Унинг клуб билан амалдаги шартномаси 2021 йилга қадар имзоланган.