Рамос: Каламушдай чийилламай, ўрнингдан тур!

Чемпионлар лигасида “Реал” ва “Интер” жамоалари ўртасидаги учрашувда мадридликлар сардори Серхио Рамос миланликлар ҳимоячиси Ашраф Ҳакимини ҳақорат қилган вазият камера объективларига тушиб қолди.

Маълумотларга қараганда, ўйинда Рамос рақиби билан тўқнашиб кетади. Кейин у оғриқдан бақириб, ерга йиқилган рақибини ҳақорат қилган.

Football Italia нашрининг ёзишича, Рамос Ҳакимига “Каламушдай чийилламай, ўрнингдан тур!”, деб ўшқирган.

Рамоснинг ўзи ўша учрашувда гол уриб, жамоасининг 3:2 ҳисобидаги ғалабасини таъминлади. Бу Серхионинг “Қироллик клубидаги” 100-голи сифатида қайд этилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)