Рамос кеча "Реал" сафида ўзининг 550-учрашувини ўтказди

Кеча “Леганес”га (3:1) қарши баҳс “Реал” сардори Серхио Рамос учун юбилей учрашув бўлди.

Аниқроғи, 31 ёшли испаниялик футболчи шу куни “қироллик клуби” сафидаги ўзининг 550-учрашувини ўтказди.

Таъкидлаш лозимки, 15 мавсумдан буён “Реал” таркибида тўп суриб келаётган Рамос ушбу вақт мобайнида 4 карра мамлакат чемпиони ва 2 карра мамлакат кубоги соҳиби бўлди. Ундан ташқари уч карра Испания ва уч карра УЕФА Суперкубогини қўлга киритди. Яна шунча марта Чемпионлар лигаси кубогини боши узра кўтарди.