Рамос МЛС клуби билан музокараларни бошлади

Мавсум сўнггида "Севилья" билан шартномаси ўз ниҳоясига етадиган Серхио Рамос Европани тарк этиши мумкин. Унга МЛСнинг "Сан Диего" клуби жиддий қизиқиш билдирмоқда, дея хабар берди "The Athletic" нашри. 

Манбанинг таъкидлашича, 37 ёшли ҳимоячи Америка жамоаси билан музокараларни бошлаб юборди, лекин ҳали розилик бергани йўқ. Тез орада унинг келажаги аниқ бўлади. 

Ушбу мавсум "Севилья" таркибида 37 та ўйинда майдонга тушиб, 8 та голда иштирок этишга улгурган Рамос Испанияда қолишни режалаштирмаяпти. Шунингдек, унга МЛСдан ташқари Саудиядан ҳам қизиқишлар бор.