Ramos "Nant"ga qarshi o‘ynay oladimi? Pochettino javob berdi

PSJ klubi bosh murabbiyi Maurisio Pochettino Serxio Ramosning tiklanish jarayoni haqida gapirdi. 

"Ramos yaxshi mashq qilmoqda. Serxio to‘g‘ri yo‘lda va unda o‘sish bor. Ko‘ramiz, ertangi o‘yin uchun u qaydnomaga kira olarmikan. 

Bunday futbolchining o‘ynamasligi yomon, lekin u sabr-toqat bilan tiklanish jarayonini davom ettirmoqda. Ramos rivojlanmoqda va bu vaziyatga dosh berish uchun o‘zida kuch bor ekanligini ko‘rsatib qo‘ydi", - dedi argentinalik mutaxassis. 

Qayd etish joiz, 35 yoshli himoyachi bugun umumiy guruh mashg‘ulotlarida ishtirok etmadi. Eslatib o‘tamiz, ertaga PSJ "Nant"ni o‘z maydonida qabul qiladi.