Рамосдан яна бир тўп клуб юз ўгирди

"Монтеррей" ҳимоячиси Серхио Рамосни "Ювентус" раҳбарияти жамоага олиб келмоқчи эмас.

Мексиканинг "Монтеррей" клуби билан шартномаси  келаси ойда якунланадиган Серхио Рамос фаолиятини Европада давом эттирмоқчи. Бироқ 39 ёшли футболчини "Манчестер Юнайтед" ортидан "Ювентус" ҳам жамоада кўришни истамаяпти. Рамос фаолиятини якунлашдан олдин, яна Европада ўйнашни истаётганини айтган эди. Аммо бирорта топ клуб унинг вакиллари билан алоқага чиқмаган. Испаниялик футболчи 2025 йилнинг бошидан буён Мексика клуби шарафини ҳимоя қилиб келмоқда. 

Маълумот учун, Рамос жорий мавсумда умумий 19 та учрашувда майдонга тушиб, 3та голни ўз ҳисобига ёздириб қўйди.