Raqib “Roma” hujumchisiga ko‘z tikdi

“Roma” rahbariyati jamoaning universal futbolchilardan Nikolo Dzanolo bilan yangi shartnoma tuzish borasida qiyinchilikka duch kelgan.

Rimliklar 23 yoshli o‘yinchidan barqarorlik talab qilib, yangi kelishuv bo‘yicha muzokaralarni to‘xtatib qo‘ygandi.

Vaziyatdan “Napoli” foydalanib qolmoqchi. Bu klub prezidenti Aurelio Da Laurentis Dzanoloning manfaatlarini himoya qilayotgan agent Klaudio Vigorelli bilan yaxshi munosabatda.  Shu bois, o‘zaro aloqalarni ishga solib, iste’dodli o‘yinchini Neapolga ko‘chirib kelmoqchi.

“Napoli” rahbariyati Nikoloning transferiga 30 million evro miqdorida sarmoya kiritishga tayyor. Uning Rim klubi bilan shartnomasi 2024 yilning yozida yakunlanadi.