Rashidov "Quvayt SK"dagi ilk rasmiy o‘yinini o‘tkazdi

Yaqinda “Quvayt SK” klubidagi faoliyatini boshlagan hamyurtimiz Sardor Rashidov yangi jamoasidagi dastlabki rasmiy o‘yinda ishtirok etdi.

Gap shundaki, Quvayt Amir Kubogining 1\8 final doirasida Rashidov jamoasi “Al Saxel” klubiga qarshi bahs olib bordi.

Mazkur qarama-qarshilikda “Quvayt SK” 1:0 hisobida g‘alaba qozonib, keyingi bosqichga yo‘llanmani qo‘lga qiritdi. Sardor Rashidov esa rasmiy bellashuvdagi debyutini asosiy tarkibda boshladi va 80 daqiqa davomida maydonda to‘p tepdi.