Расман: Абдуллажонов "Андижон" футболчиси!

Янги мавсум учун тайёргарлик кўраётган “Андижон” таркибини янада кучайтириш мақсадида селекция ишларини олиб бормоқда. Бу борада бир қатор ўйинчилар билан қизғин музокаралар давом этмоқда ва бу ҳолат ўзининг якуний босқичига етиб келган.

“Андижон” матбуот хизмати эса клубга янги қўшилган футболчиларни расман шартнома имзоланиши билан эълон қилиб боради ва дастлабки трансфер амалга оширилди.

Охирги икки мавсумни “Нефтчи” таркибида ўтказган иқтидорли ярим ҳимоячи Суннатилла Абдуллажонов расман “Андижон” жамоаси аъзосига айланди. Футболчи бугун шартномага имзо чекди ва келишув муддати бир йилга мўлжалланган.

1996 йилнинг 22 октябрь санасида Тошкентда таваллуд топган футболчи андижонлик мухлислар учун бегона эмас. Боиси, 2018 йилги мавсумда у “Андижон” шарафини ҳимоя қилган.

Абдуллажонов шунингдек, фаолияти давомида “Бунёдкор”, “Обод”, ОКМК,  “NBU-Осиё”, “Қизилқум” ва “Турон”да ҳам тўп сурган.

“Андижон” матбуот хизмати.