Расман! Андрес Иньеста футболчилик фаолиятини якунлади

Каталониянинг “Барселона” клуби ва Испания терма жамоасининг собиқ ярим ҳимоячиси Андрес Иньеста профессионал футболчилик фаолиятини якунлагани ҳақида расман эълон қилди. У бу ҳақда ижтимоий тармоқдаги саҳифасида маълум қилди.

39 ёшли ярим ҳимоячи 1996 йилдан 2018 йилгача "Барселона" сафида тўп сурган. Бу даврда у катталар жамоаси таркибида барча турнирларда жами 674 та учрашувда қатнашиб, 57 та гол урган ва 136 та голли узатмани амалга оширган. Андрес шунингдек, япониялик "Виссел Кобе" клуби сафида ҳам тўп сурган. Андрес у эрда жами 134 та ўйинда қатнашиб, 26 та гол урган ва 25 та голли узатмани амалга оширган.

Эслатиб ўтамиз, Иньестанинг сўнгги иш жойи БААнинг “Эмирейтс” клуби бўлган.