Расман! "Арсенал" Шотландия терма жамоаси ҳимоячиси билан шартнома имзолади

Шотландиянинг "Селтик" клуби ҳимоячиси Киран Тирни фаолиятини Англия премьер-лигасида давом эттирадиган бўлди.

22 ёшли шотландиялик футболчи "Арсенал" билан шартнома имзолади. Бу ҳақда клуб расмий сайти хабар бермоқда. У "канонирлар" сафида 3-рақамда тўп суради.

Тирнининг трансфери "Арсенал"га 30 млн еврога тушгани айтилмоқда.

Маълумот учун, Тирни “Селтик” тарбияланувчиси ҳисобланади. У асосий жамоада шу кунгача 170та ўйинда иштирок этди ва 8та гол ҳамда 37та голли узатмага муаллифлик қилишга эришди. Шотландия терма жамоаси сафида эса 12та ўйин ўтказган.