Расман! "Барселона" содиқ футболчиси билан шартномани узайтирди
"Барселона" матбуот хизмати клуб расмий сайтида ҳимоячи Серхи Роберто билан шартнома узайтирилганини эълон қилди.
Футболчи ва Каталония клуби ўртасидаги янги келишув 2024 йилнинг ёзига қадар амал қилади. Шартномада товон пули 400 миллион евро этиб белгиланган.
Маълумот учун, 31 ёшли Роберто "Барселона" тарбияланувчиси бўлиб, 2010 йилдан буён асосий жамоа таркибида ўйнаб келмоқда. У ўтган давр мобайнида каталонияликлар сафида жами 339 та ўйинда майдонга тушиб, 15 та гол урди ва 40 та голли узатмани амалга оширди.
Фикрлар