Расман! Беллингемнинг трансфери эълон қилинди

“Реал” юлдузи Жуд Беллингемнинг укаси Жоб фаолиятини Бундеслигада давом эттирадиган бўлди. 19 ёшли футболчи худди акаси каби “Боруссия Дортмунд”ни танлади.

Мавсумни “Сандерленд”да якунлаган Жоб яқинда Германияга келиб, ўзига қизиқиш билдирган немис клублари билан танишган ва охир-оқибат Дортмундга кўчиб ўтишга қарор қилган эди.

Бу режа амалга ошиб, “Боруссия” ёш футболчи билан 2030 йилнинг ярмигача давом этадиган ҳамкорлик шартномасини имхолади.

Таъкидлаш жоизки, Жуд Беллингем ҳам ўз вақтида Англиядан бўлган таклифларни инобатга олмай, “Боруссия”ни танлаган ва профессионал нуқтаи назарда бу клубда катта ўсишган эришган эди. Айни пайтда у “Реал” етакчиларидан бирига айланган.

Жоб Беллингем ҳам акасининг йўлини такрорлаяпти. Бу футболчи ўтган мавсум “Сандерленд” таркибида 43 та учрашувда майдонга тушиб, тўртта гол ва учта ассист қайд этди. Жоб ишончли ўйинлари билан “Сандерленд”нинг Англия Премьер-лигасига чиқишига катта ҳисса қўшди.