Расман! Бердиев истеъфога чиқарилди (фото)

Қозоғистоннинг "Қайрат" клуби бош мураббий Қурбон Бердиевни истеъфога чиқарди.

Олма-оталиклар бу ҳақда Инстаграмдаги саҳифаси орқали маълум қилди:

"Қайрат" клуби Қурбон Бердиев билан ўзаро келишувга кўра ҳамкорликни тўхтатиш бўйича келишиб олганини маълум қилади. Мутахассис ёрдамчилари Иван Данильянц, Дмитрий Кириченко, Андрей Мацюра ҳамда Эдуард Кундухов билан бирга жамоани тарк этди.

Биз Қурбон Бекиевичга клубда амалга оширган ишлари учун миннатдорчилик билдирамиз ва кейинги фаолиятига омад тилаймиз",-дейилади баёнотда.

Маълумот учун, айнан Бердиев легионеримиз Жасур Жалолиддиновни қозоғистонликлар сафига олиб ўтганди.