Расман! Даврон Файзиев истеъфога чиқарилди

"Қўқон-1912" жамоаси раҳбарияти Даврон Файзиевнинг истеъфони қабул қилди.

"Қўқон-1912" жамоасининг мураббийлар штабида ўзгариш бўлди. Шу кунга қадар жамоани бош мураббий сифатида бошқариб келган Даврон Файзиев "Локомотив"га қарши учрашувдан сўнг матбуот анжуманида раҳбариятдан истеъфо сўраганди. Шундан сўнг "Қўқон-1912" клуби раҳбарияти Даврон Файзиев истеъфони қабул қилди. Шу тариқа, қўқонликлар ва Даврон Файзиев ўртасидаги битим ҳар икки томоннинг розилигига кўра бекор қилинди. Шунингдек, Даврон Файзиевнинг мураббийлик штабида ишлаган Шавкат Абдухўжаев ва Ҳислат Чилматов билан ҳам икки томонлама шартнома бекор қилинди.

Муборакнинг "Машъал" жамоасига қарши Ўзбекистон кубогининг иккинчи турига жамоани Раҳматжон Иноғомов ва Андрей Бакланов тайёрлайди.

"Қўқон-1912" жамоаси раҳбарияти бир нечта тажрибали мураббийлар билан музоракарларга киришган. Яқин орада янги бош мураббий номи расман эълон қилинади.